• O‘zbekiston amaliy san’at va hunarmandchilik tarixi davlat muzeyi tashkil etiladi


    Vazirlar Mahkamasi O‘zbekiston amaliy san’at va hunarmandchilik tarixi davlat muzeyini tashkil etish to‘g‘risida qaror imzoladi. U Toshkentdagi amaliy san’at muzeyi negizida tashkil etiladi, deb yozadi Norma.

    2017—2019-yillarda O‘zbekiston amaliy san’at va hunarmandchilik tarixi davlat muzeyi binosini rekonstruksiya qilish, yangi ko‘rgazma zali va ma’muriy bino qurish, obodonlashtirish va jihozlash ishlari amalga oshiriladi.

    Ushbu ishlarga 2017—2018-yillar davomida “Asaka” aksiyadorlik tijorat banki va Aksiyadorlik tijorat “Aloqabank” 12 milliard so‘m miqdoridagi mablag‘lar bilan teng ulushlarda homiylik qiladi. Buzishga tushgan bino va inshootlar uchun fuqarolarga kompensatsiya to‘lovlari ham ushbu mablag‘lar hisobidan to‘lanadi.